＊享受玩樂 ♥ 魯魯嬌＊

九份真美

見時間仲早 搭巴士去九份入小小的地方 金瓜石
參觀下啲博物館 睇下舊時掘金的礦洞同埋點淘金
有興趣可以遲啲去望下我的部落格

係忠孝復興捷運站EXIT “1”旁逆捷運站口的方向
有十字路口係路口旁就有車站 見1062就等下吧
好快到 或者可以搭叫客計程車 一個人200-250元(視乎人多或少)
叫到四個人開車 車程大約1.5小時
我怕唔知係乜的士 上左車收左錢 最尾不知載我到邊
我就選擇左又安全又便宜的方法-巴士
上左巴士有悠遊卡 (好似香港的八達通)
上車嘟一嘟 下車嘟一嘟 睇下車程同收費
車程約2小時 等下等下就訓著
有悠遊卡就90元 無就102元

 
上車下車站 可以望下: http://yoyonet.biz/egoing/bus/freeway/kilon/1062.htm

係金瓜石行到差唔多 搭番巴士去九份 個陣有好多旅行團搭車
他們無旅行巴士 一般要係山腰下車 再轉巴士上山
所以團同自由行人仕都係搭同一班車
我地好彩搭一個站企一陣 5分鐘就到啦

沿著山區入口 一路行 睇下面地圖
好易搵到 一路直行 見到阿蘭草粿 就沿樓梯落去
去到底 轉右 行一陣見到涵館 CHECK-IN
負責人招呼你抖下 飲下凍飲 再講解下幾點有早餐
附近有什麼好玩好看 再幫你把行李都運到去房間去 我地就慢慢行去民宿了

民宿係半山間 有好大的落地玻璃 一望就係九份金礦博物館
行一段樓梯就到 入到去有2層的 廁所跟洗澡的地方是乾濕分開的

依度就係check-in的地方 同埋食早餐的地方

九份山區係香港大部份旅行團會去的景點 而且大部份都係早上時份出發加個自定食午餐地方
咁就行完 但係九份最靚應該係入夜同初晨  入夜會變左“千與千尋“的地方
好似湯婆婆湯屋好多紅燈籠的地方

戲院門口旁邊有條梯梯級都幾高沿樓梯一直上有“阿柑姨芋圓“ 
賣台灣美食芋圓好似糯米小丸子咁味道甜甜地煙煙unun
加啲紅豆粒綠豆粒仲好味不過我就覺得不過不失可以試下
係芋圓下面有間賣滷味的食肆有雞腎鴨舌豆乾都好入味又可以去試下

所有的食肆大部份都係6-7點就逐漸關門要食就襯早啦
晚餐就可以係九份度食完
我地去左間食炸花枝的店 我地又唔食牛無乜好食 咁只好食下海鮮啦
….好似食緊麵粉落肚加上極濃味的椒鹽    嘔....

除此之外在九份老街的入口有幾間食古早粉絲同魚丸嘅都幾好味嘅

係九份山腰位有個博物館叫昇平戲院 有好多從前戲院的擺設
入到去好似返左去80年代咁 幾排長等仔 一幅大紅幕布一路拉高又會有映畫戲睇咁
又有古時的小賣部

交通方法：
其實佢係網址都寫得好清楚
係完成訂房時有地圖教點去
在網站有寫點去↓
在《台北捷運-忠孝復興站》1號出口（安東街口）
或是松山火車站（饒河夜市）方向搭乘基隆客運【金瓜石-台北】至《老街口》站牌下車。

●在《基隆火車站》搭乘基隆客運【基隆-金瓜石】至《老街口》站牌下車。

●在《瑞芳火車站》搭乘基隆客運【基隆-金瓜石】、【金瓜石-台北】至《老街口》站牌下車。

 而我就早上9:30到台北桃園＞搭20分鐘shuttle bus到桃園高鐵站＞
搭高鐵大約20分鐘到台北車站＞行5分鐘到捷運站到忠考復興1出口＞
搭1062到基隆汽車去＞金瓜石＞九份

 訂房方法：
先要用Email跟他們家聯絡 確認有房間時
來回回覆需時 要預鬆一點訂喔
房主確定有吉房就會要求
先在3天內匯一半的訂金NT.XXXX換成港幣為HKDXXX
到香港匯豐銀行作訂金
或可以付全款

民宿地圖: