＊享受玩樂 ♥ 魯魯嬌＊

特登報團去清遠，參加清遠獅子湖喜來登度假酒店嘅兩天團，
點解唔自己去呢？ 因為價錢真係差好遠依道一晚未連税要千幾，未包早餐晚餐，
但係普遍跟香港嘅旅行團，例如：美食之旅、大航旅遊、永安等等。。
都係499-699元一位，另外再加60元一日嘅小費，一共800元左右找數，
仲要包自助早餐晚餐，兩餐午餐，車費。你話跟團定自己去啦？！

清遠獅子湖喜來登酒店，五星級國際酒店，
間間旅行社都打住超五星、超豪華…可想而之係幾利害。
旅遊巴一去入口就見到充滿阿拉伯風情，又有阿拉伯嘅實Q
全部都係豪華打造，佢仲號稱鉅資15 億打造。
下車時，有幾個阿拉伯打扮嘅人歡迎我地，賓至如歸。
行入去就見到躺大的獅子湖，獅子湖個名係因為别墅林立，
分佈湖旁，湖形成獅子嘅形狀。氣派都好夠，有好大個大堂






去到好快就搞掂check-in的程序，導遊分派好每團的鎖匙。
我地就住係第二座的中高層，經過長長的走廊，
走廊兩旁有通花的設計，內園景就係走廊個度望到。



 







走不遠就到達房間，房間的風景就係望住獅子湖，
雖然左右兩旁有大柱阻住望唔曬個咁靚嘅景，但係我都好滿足嫁啦。




房內就設備齊全跟一般國際五星級的無異，就唔多介紹了。
有埋個大露台，亦都有兩張太陽椅，若果蚊蟲唔多，
飲杯fruit punch 都可以去嘆下。








而此酒店的重點係有好多設施，有室內／室外游泳池
，gym room 不在話下另外付費仲可以係湖上坐船仔

 
住一兩日就無問題，若果無楂車，想去啲旺啲嘅地方都幾難
因為依道都係幾偏僻的地方，住上一星期都幾悶。