依個樂園係我去過所有的國家最鐘意的一個主題樂園 Lotte world
一甫進去就忍不住發瘋
想計計五小時可以玩到幾多個遊戲
亂衝亂撞！去睇下有咩野禮物 有咩野玩 依度有太多韓劇的拍攝點了 有"天國的階梯" "浪漫滿屋" "守護boss" 等等
一有情人玩機動遊戲大部份都在這裏拍的呢
第一步就去拎張地園 場地有分室內跟户外 佔地唔似愛寶樂園咁大咁空曠
佢係行一兩步又有一個遊戲設施 我十分鐘意佢依一個場地設計 佔用率大啲 唔好浪費啲地方
一入門口就係室內樂園 佢有三層高 佢要搭上落一層的電梯十分容易搵
都係有指示牌 仲有添 係依度晚上大約19:00 有巡遊表演
其實大部份遊客都係本地韓國人 反觀香港人就得我地一小撮
好多情侶 一家大細 學生去
全個樂園都很有統一性 室內就像一個探險世界 室外就是有一個夢幻島
所有高空的機動遊戲都在這 還有一個大城堡
有兩隻吉祥物 一隻叫做蘿蒂 一隻叫做蘿莉 仲有其他樂園朋友
好似半個disney咁 不過好多都係自創公仔
在樂園的下面有一個購物中心 一出去就可以落到下一層大型超級市場大購物囉
中間的void可以看見中間的溜冰場
想到户外的可以從第二層走過去 踏走長長的天橋走進入大城堡 自己就做了樂天的一份子了：)
整個户外場就給一個湖包圍住 好像一個特別的paradise island
一入去就玩個沒有什麼人排隊的遊戲吧！ gyro swing 好似一個大鐘擺 向左右大fing 一路玩一路望住個湖 感覺真係好得意
跟住行過去玩過山車 好好玩 點解咁講呢
因為在座上去之後你係唔知接落黎你會有乜新的驚喜 會上天下海 走進地底
走去玩跳樓機gyro drop 一共高70米 跟香港海洋公園的差不多
本來想座單軏車遊户外 剛巧就維修 真不幸運呢
其實在韓國有很多情侶的服飾都是一模一樣的 一樣顏色這樣就可以讓其他人知道他們在交往中吧？！
皆因沒有買貴票 所以沒有magic pass的享受 不過大部份都可以玩完
在室內場地下有座船去探險的遊戲叫the advantge of sindbad
大大的海盜船 比愛寶樂園的那架的離心力還厲害 叫the conquistador
有小朋友玩的遊戲 有天國的楷梯旋轉木馬 小型滑浪飛船flume ride
giant loop 倒吊的快速車
第二層有一架室內的過山車超贊！！ 圈圈一環接一環 衝下去好像會碰到室內場的建築物 好玩喔！！叫french revolution
第三層有探險船 裏面全都是人造的驚險劇情 有彷真動物等等 jungle adventure
又有看整個樂天世界的單軏火車
最高的一層就是充滿驚喜的一層 有得座熱氣球aeronauts balloon ride
又有探險車pharaoh's fury 真的有好多人排隊！！
玩到差不多了 去食點東西 再看巡遊吧
因為在室內 所以聽到的音樂都很清楚 收音很好
這是第一個巡遊在看的時候 起雞皮！很感動 全部表演者都是外國來的
沒有韓國人的面孔 花的錢真多！ 不單止有精彩的表演
同時也有很多與觀眾的互動 公主的感覺好似真的一樣
我站係度欣賞他們的表演 眼也不眨 在晚上看巡遊的感覺真的很不一樣
相片沒有照很多 我一直沉澱在自己的世界 享受此刻的仙境 欣賞場中的每時每分 表演者的舞蹈令今天變得十分完美
Lotte World 樂天世界 
電話: +82-2-411-2000
時間: 週一~週四 09:30 ~ 22:00 週五~週日 09:30 ~ 23:00
位置: 首爾市松坡區蠶室洞 40-1
交通: 乘坐地鐵2號線或8號線蠶室站下車，4號出口
價格:W24000 (大人) W21000 (青少年) W18000(小孩)
特別注意: 全年無休
留言列表
【泰國】2014冬 (1)