＊享受玩樂 ♥ 魯魯嬌＊

之前睇過櫻桃小姐 沖哥同雜誌介紹一個曼谷近郊
有迷你瑞士之稱的SUAN PHUNG荀盤 雖然車程遠
唔方便 暫時只得一個最便捷的方法去-包車之外
別無他法
但係去完會覺得物有所值
係一個遠離人煙 避世嘅好地方！

通常啲人叫依度做
泰國小清境Suan Phueng 
係位於泰國西部Ratchaburi叻丕府
的山區小鎮 一路入去一路見到都係綠樹叢林

包車方法都係去前跟聯絡人用email傾好價錢
日期時間等等
通常你用多幾次佢嘅包車服務都有折扣嘅
而聯絡方法可以睇
【行程規劃-泰國】包車車資比較 價格走先 [29/9/2013更新] 依度

去嘅時間大約3小時 我地訓到成隻死豬咁
一路直踩入去 途中司機唔知道目的地的正確位置
要打比當地酒店問 皆因去到downtown小路多
指示牌又多 有驚無險咁搵到間酒店
佢正正位於The Scenery Farm 旁邊

有多個獨立屋 依種風格仲係獨一無二
係香港同曼谷市區都好難見到 
每一間屋都唔同設計 一黎到有位哥哥招呼我地 
見我地咁多行李都有幫忙拎 
佢大屋前有一部golf車仔 唔知係咪有得比我地揸嘅呢！？ 
經過簡單的check in程序
同比低第三人加床價錢就可以入房了 
不得不提係依度有好多蚊
要帶多幾支蚊怕水！ 比左我地一間大房 
依度有幾多間房一眼望晒！ 
而入到去！！驚嘆！！！！！ 
好大呀！又落地玻璃！
又有河景！ 
姐姐舖第三張床係bay window度 
你可以諗到個bay window有幾大啦

之前睇雜誌知道依度係泰國棟篤笑明星"LING"投資
用2年時間起 全resort內的家具都用左成2000萬Baht買
講求私隱度 享受的

佢裏面的擺設有小小復古
有好多精緻嘅小擺設 好可愛
令人愛不惜手 空間感又大
廁所及浴室又係同一個地方
用一塊布簾同房間做分隔 有企浴同浴缸 

特別一提沐浴的用品係極香極好用
臨走可以去買黎做手信~

留係依度三日兩夜！ 我地係唯一嘅一班人
有成幾個姐姐serve我地依三個人
好皇帝feel lol  依度好近河流 行幾步就到
想知附近有啲乜同早餐有啲乜野食
可以留意下一篇文章！

依度的人大部份的泰國人都係淨識泰文
大家靠指手劃腳啦

依架就係個架Golf 車仔啦

  酒店詳細位置如下:

Sourced from official website

 
 按這裡會自動連到Google Map
不要自行去Google Map search "villa moreeda" 會連到去別的地方喔